Transcription
1
Monsieur de Gordes, prévoyant qu’il fauldra à la fin si les ennemys
2
contynuent de se fortiffier en mon gouvernement comme ilz font, que je
3
me renforce de cavallerie pour éviter les incursions, je vous ay bien
4
volu escripre la présente pour vous prier de mander à celuy qui commande
5
la compagnie de monsieur de Maugiron de la tenir preste et assembler
6
afin que, au besoing, quant je luy manderoy ou à vous, de me la envoyer,
7
il me vienne trouver. Je suis tousiours attendant le retour du sieur de
8
Lombez en bonne dévotion, pour tout aussi tost me résouldre de ce
9
que j’auray affaire pour le service de sa maiesté. S’il m’apporte quelque
10
chose digne de vous, je ne fauldray de vous en faire part.
11
Cependant, je me recommanderay sur ce bien affectueusement à voz bonnes
12
grâces et prieray Dieu vous donner monsieur de Gordes en parfaite
13
santé, sa saincte et digne grâce. De Beaucaire, ce XXVIIIe de
14
novembre 1572.
15
Votre plus affectionné et parfait amy
16
H de Montmorancy